كل عام والأمة الإسلامية بخير...كل عام ومصرنا الغالية فى أمان
رمضان كريم ^__^
السنة دى رمضان طعمه مختلف دايما كانت الناس فى السنين اللى فاتت تهتم بالمسلسلات وكانت تشغل كل وقتها بيها لكن السنة دى (رمضان مع الثورة) الكل بيفكر فى مستقبل البلد الكل عايز يصلح من نفسه .. مش عايزين رمضان يعدى غير لما نغير نفسنا.
ولنتذكر قول الله تعالى : (إن الله لا يغير ما بقوم حتى يغيروا ما بأنفسهم)
دلوقتى احنا بنعيش فترة حرية اتحرمنا منها سنين طويلة مش عايزينها تضيع مننا ... لازم نحافظ عليها و نشوف مستقبل بلدنا و مستقبل ولادنا ( جيل الثورة) فرمضان أتى إلينا
ولكن: بدون قمع حرية الرأى ... بدون اعتقالات ... بدون استدعاءات أمنية
والآن:
هل استشعرنا رمضان مع الثورة المصرية؟
هل استشعرنا رمضان بعد عودة حريتنا إلينا؟
يالله.. كم كنت اشتاق لتلك اللحظة !!
اسأل الله سبحانه وتعالى أن يجعلنا خير أمة يُقتدى بها و ويقدر الخير لمصرنا الحبيبة...
