صباحك حرية يا بلدى ...بدون مبارك ... بدون حزب وطنى ..بدون فلول
احلى حــاجة شوفتها فى الانتخابات الاقبال الكبير جداً من الشعب عشان ينتخبوا عشان عرفوا ان صوتهم ليه قيمة مش زى زمان مش مهم هينتخبوا مين المهم ينتخبوا اللى شايفينوا ينفع للبلد ( ما اجتمعت أمة على باطل)
وبجد حسيت ان نسبة الوعى عند الشعب عالية جدااً .. لما ينتخب أكتر من 60% من الشعب فى المرحلة الأولى يبقى عَمَار يا مصر
.......
بالرغم من اللى بيحصل فى البلد والشعب اللى بيحارب عشان ياخد حُريتة بس انا متفائلة جداً
أولاً: لان الحرية مش ببلاش (الحُرية لا توهب ولكن تُنتزع انتزاعاً).
ثانياً: الخيــر كتير بس الحرامية أكتر ومصر رغم كل السرقة اللى حصلت فيها دى ورغم كل الحرامية دول ولسه فيها خيــر والدليل على كده ان النظام القديم كان ماسك فى السلطة.
"تفاءلوا بالخيــر تجدوه"
من أجمل المناظر اللى عجبتنى فى الانتخابات الصورة دى :-
الراجل العجوز ده نزل ينتخب عشان عارف ان المرة دى صوته ليه قيمة هوا مش هيستفاد حاجه لانه كبر مبقاش عايز حاجه من الدنيا بس عشان الأجيال اللى جاية تعيش فى حرية وأمان ...
حقاً صورة تُحتــرم ..~
.........
جــــــــــــارى تحميـل الحُرية ..
بانتظار المرحلة الثانية والثالثة :))
ليست هناك تعليقات:
إرسال تعليق